ويب ډيسک
سرطان یا Cancer د نړۍ یوه له پیچلو او وژونکو ناروغیو څخه ده چې د میلیونونو کسانو ژوند اغېزمنوي. دا ناروغي د انسان د بدن په هره برخه کې رامنځته کېدای شي او د حجراتو غیر معمول وده او خپرېدو له امله پېښېږي. په ننۍ نړۍ کې د ژوند د ناسمو طرزونو، چاپېریالي ککړتیا، او ځینو موروثي ستونزو له امله د سرطان پېښې په چټکۍ سره زیاتېږي.
د سرطان ناروغۍ پېژندنه او پوهېدنه نه یوازې د روغتیایي کارپوهانو لپاره ضروري ده، بلکې د عامو خلکو لپاره هم مهمه ده ترڅو له دې ناروغۍ څخه ځان وساتي او د وخت پر تشخیص او درملنې باندې پوه شي. د دې ناروغۍ پر وړاندې د خلکو پوهاوی، د ژوند سالم طرز غوره کول او د منظم طبي معایناتو ترسره کول کولای شي د دې ناروغۍ د پراختیا مخه ونیسي او د ناروغانو د ژوند کیفیت ښه کړي.
سرطان یا Cancer د ناروغیو هغه ټولګه ده چې پکې حجرې په غیر کنټرول شوی ډول وده او خپرېدل پیلوي. دا ناروغي د بدن په هره برخه کې رامنځته کېدای شي او په جدي حالتونو کې د حجراتو د بدن نورو برخو ته هم د انتقال لامل ګرځي.
سرطان بېلابېل ډولونه لري لکه د سږو سرطان چې د سګریټ څکولو او هوا ککړتیا له امله رامنځته کېږي. همدا راز د سینې سرطان کوم چې په ځانګړي ډول په ښځو کې عام دی.
د معدې سرطان؛ د ناسمو خوراکونو او معدې زخمونو له امله را پیدا کېږي. او دغه ډول سرطان چې د پوستکي د سرطان په نوم یادیږي دا د لمر له وړانګو او کیمیاوي موادو له امله رامنځته کېږي.
د سرطان نښې د ناروغۍ له ډول سره توپیر کوي، خو عامې نښې یې دغه دي؛ غیر معمولي وینه بهېدنه چې اوږدمهاله ټوخی یا د غږ بدلون لري. همدا رنګه د اوجود پر پوستکي نښې یا ټپونه چې د وزن چټک کمېدل پکې تر سره کیږي.
د سرطان لاملونه کیدی شي لکه د کورنۍ تاریخچه چې پکې مهمه ونډه لري. د ژوند طرز؛ ناسمه تغذیه، سګریټ څکول او د فزیکي فعالیت نشتون؛ چاپېریال؛ د هوا ککړتیا او کیمیاوي مواد؛ او نور لاملونه؛ د ځینو ویروسونو او ناروغیو شتون کیدی شي د سرطان لامل شي.
د سرطان د مخنیوی لارې چارې دي چې باید ترسره شي هغه د سالم ژوند طرز غوره کول، لکه د سبزیجاتو او مېوو خوړل؛ د سګریټ او الکولو پریښودل؛ له لمر څخه ځان ساتل؛ د منظم طبي معایناتو ترسره کول کولای شې د سرطان مخه ونیسي.
د سرطان ناروغي که څه هم جدي ده، خو د وخت پر تشخیص او سمې درملنې سره کنټرول کېدای شي. د سالم ژوند طرز غوره کول او منظم طبي معاینې کول د دې ناروغۍ د مخنیوي او درملنې لپاره مهم دي.
