ويب ډیسک
د بریتانیا د بهرنیو چارو وزارت اعلان کړی چې ددغه هېواد لومړي وزیر د شل ډلې په ناسته کې په افغانستان کې د نجونو له زده کړو سره د مرستې لپاره د ۵۰ میلیون پونډه مرستې اعلان کړی دی.
د شل ډلې ناسته د یکشنبې په ورځ د لړم په شلمه نېټه ترسره شوه. د بریتانیا لومړي وزیر بوریس جانسون په دغه ناسته کې د دغې ډلې له مشرانو وغوښتل چې په افغانستان کې د نجونو او مېرمنو له زده کړو د ملاتړ لپاره هڅې وکړي.
له بلې خوا، جانسون ویلي چې هېواد به یې د ښځو او نجونو په ګډون په افغانستان کې له زیانمنوونکو وګړو خپل ملاتړ ته دوام ورکړي.
