ويب ډیسک
دوحه کې د ت.الب چارواکو او د امريکا متحده ایالاتو د استازو ترمنځ دوه ورځنیو خبرو اترو کې د مخدره موادو سره مبارزې او بشري حقونو سربېره پر ځینو نورو موضوعاتو هم خبرې شوې دي.
د ت.البانو د بهرنیو چارو وزارت وایي د امیرخان متقي په مشرۍ ت.الب پلاوي چې د افغانستان بانک او مالیې وزارت استازي هم په کې ؤ، د قطر پلازمینه دوحه کې توماس ویست او نورو امریکایي استازو سره “د دواړو لوریو تر منځ د اعتماد جوړونې، په دغه لاره کي د عملي قدمونو اخيستلو، تورو ليستونو او بندیزونو لرې کولو، د افغانستان بانک زېرمو آزادولو، د افغانستان اقتصادي ثبات ساتلو، مخدره موادو پر خلاف د مبارزې او بشري حقونو پر موضوعاتو” خبرې وکړې.
په دې اړه خپره شوې اعلامیه کې راغلي، د ت.البانو د خبرو اترو په لړ کې یو ځل بیا ټینګار کړی، چې د باور جوړونې لپاره دې تور ليستونه او پر ت.الب مشرانو د جایزو لیستونه له منځه یوړل شي او د افغانستان بانک زېرمې دې آزادي شي څو افغانان له بهرنیو مرستو پرته په خپلو پښو ودرېږي.
ت.البان وایي همدارنګه یې پر بشري مرستو، افغانستان ته د وګړو پر ازاد تګ راتګ او نړۍ په هره برخه کې افغانانو ته د قونسلي خدمتونو په اړه هم بحثونه کړي دي.
#Qatar #US #Afghanistan
