ويب ډیسک
د نوبل د سولې جایزې ګټونکې او د زده کړو فعاله ملاله يوسفزۍ وايي، طالبان په داسې حال کې چې نجونې له زدهکړو منع کوي، د زدهکړو اتلان هم نيسي.
هغې د طالبانو لخوا د زدهکړو افغان فعال مطيعالله ويسا نيول کېدو په غبرګون کې ويلي، طالبان بايد مطيعالله ويسا او ټول هغه کسان چې د ماشومانو د زدهکړو پار بنديان دي، آزاد کړي.
د قلم لار ټولنې بنسټ ايښودونکی او د زدهکړو د برخې فعال مطيعالله ويسا تېره ورځ په کابل کې د طالبانو لخوا ونيول شو.
د نوموړي ورور ويلي، د طالبانو امنيتي کسانو يې دوه نور ورونه هم بېولي، مور ته يې سپکې سپورې ويلي او د کور له پلټلو وروسته يې د مطيعالله ويسا مبايلونه هم وړي دي.
طالبانو رسماً لا تر دې دمه په اړه څه نه دي ويلي.
