ویب ډیسک
د افغانستان د بیارغونې لپاره د امریکا ځانګړې پلټونکې ادارې (سیګار) د دغه هېواد کانګرس ته په خپل درې میاشتني راپور کې افغانستان کې د نجونو د طبي زده کړو بندیز او نادولتي سازمانونو کې د ښځو پر کار د بندیز په ګډون پر ښځو او نجونو د نویو لګېدلو بندیزونو له امله اندېښنه څرګنده کړې ده.
سیګر دې راپور کې ویلي، د امریکا پر بهرنیو مرستو بندیزو او د روغتیا له نړۍوال سازمانه د دغه هېواد وتل به افغانستان کې پر بشري او روغتیایي وضعیت پراخ اغېز وکړي.
راپور کې راغلي چې بشري مرستو کې د اسلامي امارت لاسوهنې او مرستندویه بنسټونو کې پر ښځینه کارکوونکو بندیز د افغانستان کمزوری اقتصادي وضعیت لا پسې خراب کړی دی.
