ويب ډیسک
د پښتون ژغورنې غورځنګ مشر منظور احمد پښتین د تورخم، چمن او انګور اډې دروازو کې د روان ظلم په غبرګون د چمن له ولسونو غوښتي څو د راتلونکې جمعې په ورځ ولسي لاریون کې پراخ ګډون وکړي.
پښتین په خپله ټوېټر پاڼه لیکلي، چې د نومبر په ۱۱مه د پيټيام تر نظارت لاندې په چمن ښار کې به ولسي پاڅون وکړي.
په ورتهمهال د افغانستان پخواني ولسمشر حامد کرزي هم د پاکستان حکومت لخوا له افغان کډوالو سره ناسم چلند غندلی او له نړیوالې ټولنې یې غوښتي چې پاکستان کې د مېشتو افغان کډوالو لپاره د ژوند ښه شرایطو برابرولو او د هغوی له حقونو څخه د دفاع لپاره جدي هڅه وکړي.
دغو غبرګونونو داسې وخت کې زور واخیست، چې د راپورونو له مخې د پاکستان حکومت د دغه هېواد په سند ایالت کې د ښځو او ماشومانو په ګډون شاوخوا ۱۱۰۰ افغان کډوال بندیان کړي او په ټولنیزو رسینو کې د یو افغانۍ مېرمنۍ سره د ناسم چلند ویډیو هم لاس په لاس کیږي.
