ويب ډیسک
د حامد کرزي مطبوعاتي دفتر څخه په خپره شوې خبرپاڼه کې راغلي، د افغانستان لپاره د ملگرو ملتونو خاصې استازې میرمن دیبورا لیونز په هغه تودیعي میلمستیا کې چې د پخواني ولسمشر حامد کرزي له خوا دې ته ترتیب شوې وه گډون وکړ.
په دغې تودیعي میلمستیا کې چې په کابل کې د ترکیې سفیر ښاغلي جهاد ارگینای هم حضور درلود، د دې ترڅنگ چې د افغانستان پر روانو حالاتو خبرې وشوې، د نجونو پر زدهکړو او کار ته د ښځو پر ستنېدو په کلکه ټینگار وشو.
همداراز پخواني ولسمشر د ملگرو ملتونو د همکاریو په خاصه ټوگه د میرمن دیبورا لیونز له هلو ځلو او هڅو ستاینه وکړه او د افغانستان له خلکو سره یې د ملگرو ملتونو د همکاریو پر دوام ټینگار وکړ.
