ویب ډیسک
د امریکا د بهرنیو چارو وزیر د امریکا د سنا د بهرنیو اړیکو کمېټې غونډې ته د خبرو پر مهال وویل، چې د افغانستان په اړه د ولسمشر جو بايډن طرحه او پلان واضح دی او دده په خبره بایډن غواړي چې په افغانستان کې روانه جګړه نوره ختمه کړل شي،
سرتېري بېرته خپل هېواد ته راستانه شي او دا ډاډ تر لاسه شي چې افغانستان کې دایمی سولې ته رسیږي.
انتوني بلینکن وايي د سرتېرو د اېستلو پر وروستۍ نېټه پرېکړه نه ده شوې، خو امریکا د سولې د راتګ لپاره خپلو ديپلوماتیکو هڅو ته ادامه ورکوي او دا ځل امریکا یوازې نه ده، بلکې په دې بهیر کې نور هیوادونه هم ورسره همکار دي.
