ويب ډیسک
امریکا هغه کورنۍ ته مالي جریمه ورکوي چې لس غړي یې په کابل کې د دغه هېواد د بې پیلوټه الوتکې په ناسم برید کې وژل شوي وو.
د امریکا دفاع وزارت اعلان کړی چې د مالي جریمې ورکولو ترڅنګ یې امریکا ته د کورنۍ د پاتې غړو د لېږد لپاره کار کوي.
کابل کې پر یوه کور د امریکا د بې پیلوټه الوتکې برید کې د اوو ماشومانو په ګډون لس تنه وژل شوي.
امریکا له برید وروسته ادعا وکړه چې په کور کې د داعش غړي په نښه کړي، خو وروسته د امریکا د مرکزي درستیز قومندان جنرال کینټ میکنزي تایید کړه چې په برید کې ملکي وګړي وژل شوي دي.
