نړیوال بانک په خپل تازه اقتصادي راپور کې ویلي، چې د روان مالي کال په ترڅ کې د افغانستان د حکومت لګښتونه د کورنیو عوایدو په پرتله په چټکۍ ډېر شوي دي.
د بانک د شمېرو له مخې، د حکومت بودجوي کسر شاوخوا ۲.۱ میلیارد افغانۍ دی، چې نږدې ۳۲.۳ میلیونه ډالرو سره برابرېږي.
راپور زیاتوي، چې په روان مالي کال کې د حکومت ټول لګښتونه شاوخوا ۱۱۳.۶ میلیارد افغانۍ ته رسېدلي دي.
د دغو لګښتونو له ډلې ۵۱.۳ میلیارد افغانۍ امنیتي برخې ته ځانګړې شوې، چې د ټولو دولتي لګښتونو شاوخوا ۴۵.۲ سلنه جوړوي.
همداراز، د نړیوال بانک د معلوماتو له مخې، پر زیربناوو او طبیعي سرچینو شاوخوا ۹.۴ میلیارد افغانۍ لګول شوې دي.