ويب ډيسک
د طالبانو بهرنیو چارو وزارت د پاکستان د پوځ او خارجه وزارت هغې ادعا ته غبرګون ښودلی چې ویلي وو د بلوچستان برید د افغانستان له خاورې رهبري کېده.
د طالبانو بهرنیو چارو وزارت د پاکستان دا ادعا رد کړې او ټینګار یې کړی، چې د بې اساسه تورونو لګولو پر ځای دې خپل امنیت ټینګ کړي او کورنیو ستونزو ته دې پام وکړي.
د طالبانو په اعلامیه کې راغلي، چې د بلوڅ آزادي غوښتونکو سره هېڅ اړیکې نه لري؛ په داسې حال کې چې پاکستان ویلي وو، طالبانو پټنځایونه ورکړي او د برید پر مهال یې له افغان خاورې رهبري کېدله.
په دغه اعلامیه کې راغلي، چې د «بې ګناه» انسانانو پر وژلو خواشیني دي او ټینګار یې کړی، چې د سیاسي موخو لپاره د ملکیانو قرباني کول د توجه وړ نه دي.
پاکستان له دې وړاندې ویلي وو، چې پر جعفر ایکسپریس اورګاډي د بلوڅ آزادي غوښتونکو برید هند طرحه کړی او له افغانستان رهبري کېده. پاکستان ادعا کړې وه، چې د برید پر مهال بلوڅ وسله وال په افغانستان کې له خپلو ملګرو سره تماس کې وو.
# #Pakistan #Afghanistan #Balochistan #Politics
