ویب ډیسک
د امریکا ولسمشر د عثماني امپراتورۍ له خوا د لومړۍ نړیوالې جګړې پرمهال، د ارمنیانو وژل کېدل د نسل وژنې په توګه په رسمیت وپېژندل.
د جوبایډن له لوري په خپره شوې اعلامیه کې، چې د ارمنیانو د نسل وژنې د یاد په ورځ خپره شوې، دغه پېښه وحشت بلل شوی او نوموړي ویلي، باید هیڅکله هم بیا تکرار نه شي.
خو د ترکیې بهرنیو چارو وزیر د امریکا په دې دریځ غبرګون ښودلی او وایي هېواد یې د تاریخ په اړه له چا درس نه اخلي.
د لومړۍ نړیوالې جګړې پرمهال عثماني ترکانو شا وخوا یو نیم میلیون ارمنیان چې مسیحیان و، ووژل یا تبعید کړل،ځینې هیوادونه دغه پېښه نسل وژنه یادوي،خو ترکیه وایي دغه پېښه د کورنیو اختلافاتو له امله رامنځته شوې او د ارمنیانو د نسل د ورکولو هڅه نه وه.
