ویب ډیسک
په ننگرهار ولایت کې د ګلابو د عطرو د پروسس فابریکه شتون لري، چې په دې برخه کې خپلې پانګونې ته زیاتوالی راوستی دی، د افغان روز فابریکه چې به ۱۳۹۲ لمریز کال کې د ګلابو اوبو او عطرو د تولید په برخه کې د یو لک او دېرش زره افغانیو په لومړنۍ پانګه اچونې سره پیل شوه ، اوس یې خپله پانګه یو ملیون او درې سوه زره افغانیو ته لوړه کړې ده.
دا فابریکه د ننګرهار ولایت اچین ، دره نور او سپین غر ولسوالیو څخه د ګلاب ترلاسه کوی او د ګلاب د حاصلاتو په موسم کې هره ورځ له دریو څخه تر شپږ ټنو د ګلابو اوبو د تولید وړتیا لری ،چې د د ننګرهارولایت یو شمیر اوسیدونکو ته یې دکارزمینه برابر کړې ده .
د افغان روز د ګلابو د عطرو د تولید فابریکې تیر کال له یو سل او لس ټنو ګلابو اوبو څخه ، یو سل لس زره لیتره ګلاب اوبه ترلاسه کړې وې چې یو شمیر بهرنیو هیوادونو ته یې خپل محصولات صادر کړې دي .
څرنګه چې د ګلاب ګل روغتیايې خواص لرې ځکه نو دهغې څخه په عصری او دودیزو روغتیایې چارو کې ګټه اخیستلو ترڅنګ ،په خوراکې او روغتیايې توکو کې هم کارول کیږې.
