ويب ډیسک
د طالبانو حکومت ویاند ذبیح الله مجاهد مني چې د افغانستان په کندهار او نمیروز ولایتونو باندې بېپیلوټه الوتکې ګرځي او د امریکا اړوندې یې بولي.
ښاغلی مجاهد؛ دا کړنه د خپل هوايي حریم نقض بولي او وايي چې څو ځلې یې له مقابل لوري سره دا اندېښنه شریکې کړې؛ خو په وینا یې چې جدي نه ده نیول شوې.
نوموړي په خپلو خبرو کې د کوم ځانګړي هېواد نوم وانخیست؛ خو زیاته یې کړه چې ځیني نږدې سیمهییز هېوادونه دا فرصت برابروي چې امریکايي بېپیلوټې الوتکې د افغانستان هوايي حریم ته راواوړي.
