ویب ډیسک
زلمي خلیلزاد له طالبانو غوښتي چې د ترکیې په ناسته کې دې د طالبانو د پلاوي مشري د قطر دفتر د غړو سربیره، د دې ډلې یو بل لوړ پوړی مشر پرغاړه واخلي.
د معلوماتو پراساس،خلیلزاد غواړي چې ترکیې ناستې ته د طالبانو د رهبرۍ شورا مهم غړي ورشي او ټینګار په دې دی،چې ناستې ته د ملا عمر زوی، ملایعقوب اخوند چې دامهال د طالبانو د نظامي کمېسیون مشري کوي ورشي.
ملانقیب الله او د طالبانو د تحریک مرستیال سراج الدین حقاني هم د هغو طالب مشرانو له ډلې دي چې په ناسته کې یې د ګډون غوښتنه شوې.
طالبانو تر دامهاله په دې ناسته کې د ګډون کوونکي پلاوي د ترکیب په اړه څه نه دي ویلي، خو تیره ورځ د دې ډلې ویاند کابل نیوز ته د نورو جزئیاتو له ورکولو پرته وویل، چې دوی نشي کولی په یاده نېټه دې ناسته کې ګډون وکړي
