ویب ډیسک
د طالبانو کډوالو چارو وزارت وایي، تاجکستان ۴۹ افغانان رد مرز کړي دي.
خبرپاڼه وايي، یاد افغانان دوې ورځې وړاندې د نامعلوم دلیل له امله له شیرخان بندر لارې ستانه کړل شوي دي.
د طالبانو اعلامیه کې راغلي، چې په یادو کسانو کې ۳۶ تنو د تاجکستان اقامت کارټ او ۱۲ نورو پاسپورټ او ویزې هم درلودې.
د تاجکستان حکومت له دغه هېواده د افغانانو د اخراج په اړه څه نه دي ویلي.
په ګاونډیو او منځنۍ آسیا هېوادونو تاجکستان یوازینی هېواد دی، چې طالبان ورسره د ښکاره تعاملاتو ادعا نه لري.
دا په داسې مهال ده چې له پاکستان او ایران هم هره ورځ لسګونه کورنۍ هېواد ته په جبري او اختیاري ډول اخراجېږي.
# #Afghanistan #Tajikistan #AfghanRefugees
