ویب ډیسک
د طالبانو بهرنیو چارو وزارت وايي، په مقابل ډول دوی هم اسلام آباد کې د خپل شارژدافیر موقف تر سفیر کچې لوړوي.
طالبان دا ګام وروسته له هغې اخلي، چې پاکستان د طالبانو تر کنټرول لاندې کابل کې د خپل استازي موقف تر سفیر کچې لوړولو اعلان وکړ.
طالبانو د پاکستان د دې اقدام هرکلی کړی او پاکستان ویلي چې دا به په امنیتي او اقتصادي برخو کې د اړیکو ښه والی رامنځته کړي.
د طالبانو بهرنیو چارو وزارت درېیم سیاسي رییس ذاکر جلالي د دواړو هېوادونو په دوه اړخیزو کې ګډې ننګونې موجودې بللې دي، خو وايي د ډيپلوماسۍ په کارولو سره دا مثبت لوري ته تللی شي.
که څه هم پاکستان وايي، دا پرېکړه یې اپرېل کې کابل ته د بهرنیو چارو وزیر او د لومړي وزیر مرستیال، اسحاق ډار له «بریالي» سفر وروسته کړې، خو داسې مهال شوې، چې هند له طالبانو سره اړیکې تایید کړي.
کارپوهان باور ښيي، چې د طالبانو او پاکستان وروستیو ترینګلتیاوو له فرصت په ګټې هند له دغې ډلې سره خپلې اړیکې تازه کړي، خو پاکستان هم اجازه نه ورکوي چې طالبان ترې پردي شي.
# #Afghanistan #Pakistan #Politics
