د ایران له لوري د یوې نوې وړاندیز شوې طرحې په اړه د نړیوالو رسنیو راپورونه، د امریکا ولسمشر ډونالډ ټرمپ د چهارشنبې په ورځ د شخړې د پای ته رسولو لپاره د ایران وړاندیز رد کړ او ویې ویل چې سمندري محاصره به تر هغه وخته پورې دوام ولري چې تهران د اټومي تړون سره هوکړه وکړي.
د امریکا ولسمشر له «ایګزیوس» خبرې ویبپاڼې سره په خبرو کې وویل چې دا محاصره «تر بمبارۍ یو څه ډېره اغېزناکه» وه او وضعیت به د هغوی (ایرانیانو) لپاره «لا پسې خراب» شي.
نوموړي له ایګزیوس سره په دې ۱۵ دقیقه يي مرکه کې زیاته کړه: «دوی غواړي روغه جوړه وکړي. دوی نه غواړي چې زه محاصرې ته دوام ورکړم. زه نه غواړم محاصره لیرې کړم، ځکه زه نه غواړم چې هغوی اټومي وسله ولري.»
