ويب ډیسک
د ترکیې ولسمشر رجب طیب اردوغان اعلان وکړ چې اسراییلی سیال یې اسحاق هرټزوګ به د فبرورۍ په لومړیو کې په رسمي توګه ترکیې ته سفر وکړي.
اردوغان د چهارشنبې په ماښام د جنورۍ په ۲۶مه له خصوصي ټلویزیوني شبکې “ان ټي وي” سره په مرکه کې وویل چې دا سفر د ترکیې او اسراییلو په اړیکو کې نوی پیل کېدای شي، ترکیه له اسراییلو سره په ټولو برخو کې همکارۍ ته چمتو ده.
یوه اسراییلي چارواکي چې خپل هویت یې نه دی څرګند کړی، د اردوغان څرګندونې د اسراییلي ولسمشر سره د لیدنې د نیت په اړه «حیرانونکې» بیان کړې.
اسراییلي چارواکي دا هم ویلي چې د ترکیې د بهرنیو چارو وزیر له خپل اسراییلي سیال ییر لاپید سره په اړیکه کې د انقره او تل ابیب ترمنځ د نږدې اړیکو د جوړولو په اړه خبرې وکړې.
اسراییلي چارواکي ویلي، اردوغان او نور ترکي چارواکي له میاشتو راهیسې پیغامونه استوي چې له اسراییلو سره د عادي اړیکو رغولو ته لیوالتیا ښودلې ده.
نوموړي په انقره کې ترکیې ته د اسراییلي ولسمشر د راتلونکي سفر په اړه هم خبرې وکړې.
ترکي رسنیو د اردوغان په قول: «موږ په تېر کې له اسراییلي اړخونو سره ناستې کړې او اروپا ته د ګازو د لیږد لپاره مو پر ګډو همکاریو ټینګار کړی! ترکیه لاهم ګډ اقدام ته چمتو ده.»
د کارډیوواسکولر لپاره د اسراییلو متخصص
اسرائیلي رسنیو هم څرګنده کړې چې د ترکیې ولسمشر په دې وروستیو کې د اسرائیلي کارډيواسکولر ډاکټر خدمتونه کارولي دي.
باید وویل شي چې د ترکیې او اسراییلو اړیکې په تیرو لسیزو کې ډیرې ترینګلې شوې وې.
ترکیې په ۲۰۱۸ کال کې د وروستي ډیپلوماټیک کړکېچ په ترڅ کې انقره کې د اسراییلو سفیر له دندې ګوښه کړ او هغه ته یې سپکاوی وکړ چې د غزې پر پوله په مظاهرو کې ۶۱ فلسطینیان وژل شوي دي.
