ويب ډيسک
ازبکستان کې د امریکا سفیر جوناتن هینیک ویلي، د یوې هوکړې له مخې له افغانستانه ازبکستان ته ۴۶ پوځي وړل شوې چورلکي ازبکستان ته سپاري.
دغه الوتکې د ۲۰۲۱ کال اګسټ په ۱۵مه نېټه د افغان پیلوټانو له لوري ازبکستان ته وړل شوې وې.
د بي بي سي پښتو راپور له مخې، د ازبکستان او امریکا چارواکو د هغو الوتکو د برخلیک په اړه هوکړه کړې چې د ۲۰۲۱ کال په اګست میاشت کې د افغان پوځ له خوا ازبکستان ته سپارل شوې وې.
سرچېنې لیکلي چې دغه الوتکې او چورلکې به په ازبکستان کې پاتې کېږي او او دا تړون رسمي شوی دی.
د دغه دیپلومات په وینا امریکا او ازبکستان دا مهال د یوه ګډ پروګرام په پلي کولو بوخت دي خو تر دې ډېر جزیات یې نه دي ورکړي.
تر دې وړاندې په افغانستان کې د طالبانو حکومت له ازبکستان او تاجکستانه غوښتي وو، چې دغه الوتکې او چورلکې بېرته افغانستان ته ستنې کړي.
