ويب ډیسک
د روسيې د بهرنيو چارو وزارت وياندې ماريا زاخارووا د فبرورۍ پر ۲۶ مه نېټه د اوکراين د وضعيت په اړه ويلي، چې ناټو ديالوګ نه غواړي،
د اروپا د امنيت د پياوړتيا نيت يې نه دی ښودلی او پلان لري، چې اوکراين ته هوايي دفاعي سيستم او نورې وسلې ورکړي، له دې څخه څرګنديږي، چې امريکا او د هغه متحدین د اوکراين د روان بحران له حل سره علاقه نه لري.
د امريکا خارجه وزير انتوني بلينکن په همدې ورځ اعلان وکړ، چې امريکا به له اوکراين سره د ۳۵۰ ميليونو امريکايي ډالرو په ارزښت پوځي مرستې وکړي، څو په دغه هېواد کې د روسيې د پوځي عملياتو مخه ونيول شي.
