طالبان: امریکایې ځواکونه که ټاکل شوې نېټه پورې ونوتل نو سخت دریځ سره به مخ شی

ویب ډیسک
طالبانو خبرداری ورکړ چې که امریکایي ځواکونه په ټاکل شوې نېټه له افغانستان څخه بهر نه شي،نو پرضد به یې جګړه پیل کړي.

طالبانو د امریکا د ولسمشر جوبایډن هغو څرګندونوته په غبرګون چې وایي،ښایي امریکایي ځواکونه له مې میاشتې وروسته هم افغانستان کې پاتې شي ویلي، که امریکا دا کار کوي،نو د دوحې توافقنامې ښکاره سرغړونه ده او هر ډول مسوولیت به هم د هغوی پرغاړه وي.

طالبان وایي، دوی د دوحې توافقنامې ته ژمن دي او له مقابل لوري هم ورته غوښتنه لري او باید اجازه ورنه کړل شي چې روانه جګړه نوره هم اوږده شي.
طالبان وایي افغانستان کې د نظام جوړول خپله د افغانانو کار دی او څوک پرې کوم ډول نظام نشي تحمیل کولای.