د وینزویلا حکومتي چارواکو ویلي، چې د دوو زورورو زلزلو له امله د وژل شویو شمېر ۹۲۰ تنو ته رسېدلی او شاوخوا ۳۳۶۰ نور کسان ټپیان شوي دي.
چارواکي وایي، د ژغورنې ډلې لا هم د نړېدلو ودانیو تر کنډوالو لاندې د ژوندي پاتې شویو کسانو د موندلو او ژغورلو هڅې روانې ساتلې دي.
د راپورونو له مخې، شاوخوا ۲۵۰ ودانۍ یا په بشپړ ډول نړېدلې او یا هم سختې زیانمنې شوې دي، چې د هېواد پلازمېنه کاراکاس هم پکې شامله ده.
د امریکا د جیولوژیکي سروې ادارې د معلوماتو له مخې، دواړه زلزلې د ریشتر په کچه ۷.۲ او ۷.۵ درجې وې او د څو ثانیو په واټن کې رامنځته شوې.
په همدې حال کې، اسپانیا، ایټالیا، فرانسه، المان، لوګزامبورګ، هالنډ او پرتګال اعلان کړی، چې د لټون او ژغورنې په چارو کې د مرستې لپاره به خپلې ځانګړې ډلې وینزویلا ته واستوي.
