ويب ډیسک
د امریکا د بهرنیو چارو وزیر انتوني بلېنکن وایي، لا هم ۱۷۵ امریکایي اتباع په افغانستان کې دي چې یو شمېر یې له طالبانو سره بندیان دي. هغه زیاته کړې چې د دې کسانو هویت پټ ساتل کېږي.
بلېنکن د کانګرس د بهرنیو اړیکو کمېټې ته په وینا کې زیاته کړې، چې ځينې امریکايي اتباع د جمهوري نظام له سقوط راهیسې افغانستان کې پاتې ؤ او ځينې نور وروسته تللي دي.
د بېلنکن په وینا له دې ډلې ۴۴ تنه غواړي له افغانستانه راووځي چې د امریکا حکومت یې د خوندي لېږد لپاره کار کوي. د امریکا کانګرس پر حکومت نیوکه کوي، چې له افغانستانه د تخلیې پروسه یې سمه نه ده مدیریت کړې.
