ویب ډیسک
د کورنیو چارو وزارت د جرمونو پر وړاندې د مبارزې ریاست له لوري نن له غرمې مخکې د ښځو پر وړاندې د تاوتریخوالي د منعې ښوونیز لارښود مخکتنه وشوه.
د پولیسو له لوري کورنیو ستونزو ته پر وخت رسېدنه، د ښځو پر وړاندې د تاوتریخوالي کموالی او همدارنګه د دې ډول قضیو پر وړاندې مسلکي چلند د یاد لارښود د تالیف او مخکتنې له کلیدي موخو څخه دي.
د ښځو پر وړاندې د تاوتریخوالي د منعې لارښود په وسیله به پولیس وکولای شي، څو د ښځو پر وړاندې د تاوتریخوالي اړونده قضیو ته مسلکي او پر وخت رسېدنه وکړي.
یاد لارښود د ټولنې له بېلابېلو پوړونو سره تر سلا وروسته د دیني عالمانو او حقوق پوهانو له لوري ترتیب شوی او شونې ده څو په ولایتونو کې هم د سیمینارونو له لارې د پولیسو منسوبینو ته ورسول شي.
