د افغانستان کرکټ بورډ د ایرلنډ پر وړاندې د پنځو یو ورځنیو نړیوالو سیالیو لپاره د ملي لوبډلې نوملړ اعلان کړ.
د اعلان له مخې، د دې لړۍ لومړۍ لوبه به د اګست په پنځمه نېټه ترسره شي، دویمه به د اګست په اوومه، درېیمه د اګست په لسمه، څلورمه د اګست په دولسمه او وروستۍ لوبه به د اګست په پنځلسمه نېټه ترسره شي.
د لوبډلې مشري رحمت شاه ته سپارل شوې او رحمانالله ګربز د مرستیال لوبډلمشر په توګه ټاکل شوی دی.
په اعلان شوې لوبډله کې رحمت شاه، رحمانالله ګربز، ابراهیم ځدراڼ، صدیقالله اتل، حشمتالله شهیدي، دروېش رسولي، عظمتالله عمرزی، اکرام عليخېل، ننګیال خروټی، راشد خان، الله محمد غضنفر، یمین احمدزی، سلیم صافي، فضلالحق فاروقي او ضیاءالرحمن شریفي شامل دي.
همدارنګه، قیس احمد، فرید ملک، بلال سمي او بشیر احمد د احتیاطي لوبغاړو په نوملړ کې ځای لري.
د کرکټ بورډ د معلوماتو له مخې، ټاکل شوې افغان لوبډله د سیالیو له پیل مخکې ایرلنډ ته سفر وکړي، څو د یادې لړۍ لپاره خپلې چمتووالي بشپړې کړي.