ويب ډیسک
د پنجشېر طبیعي پېښو ته رسېدو چارو رئیس احمد ضیاء یزداني وايي، دغه سېلابونه تر ډېره د یاد ولایت د ابشار ولسوالۍ په دوو کلیو کې را وتلي دي.
باختر دولتي خبري آژانس د نوموړي له قوله ویلي چې د را وتلو سېلابونو له امله لسګونه جریبه زراعتي ځمکه، د اوبو کانالونه، د برښنا کوچنۍ دستګاوې، سړکونه او فرعي لارې او پل پلچکونه تخریب شوي دي.
دا په داسې حال کې ده چې د افغانستان د هوا پيژندنې ادارې پرون او نن د په لسو ولایتونو کې د بارانونو او سېلابونو را وتلو خبر ورکړی و.
بلخوا ویل کیږي چې په خوست ولایت کې هم تیره ورځ د سېلابونو را وتلو له امله خلکو ته مالي او ځاني زیانونه رسېدلي دي.
