ویب ډیسک
د پاکستان ترهګرۍ ضد محکمې یا ATC د خیبر پښتونخوا د وزیر اعلی او د تحریک انصاف ګوند د غړي علي امین ګنډاپور د نیولو حکم ورکړی دی.
د پاکستاني رسنیو د راپور له مخې د لاهور یوې محکمې د عمران خان په مشرۍ د تحریک انصاف ګوند د درېیو نورو مشرانو د نیولو حکمونه هم صادر کړي دي.
پاکستاني پولیس وایي، د ګنډاپور په ګډون د PTI یاد مشران د تېر کال اکټوبر کې د هغو پراخو لاریونونو په قضیو کې مطلوب دي، چې پکې د تحریک انصاف پلویانو او غړیو د قانون پلي کوونکو ځواکونو پر ضد برید کړی و.
د معلوماتو له مخې د عمران خان په پلوۍ په یادو لاریونونو کې په اسلام آباد او نورو ښارونو کې وضعیت ترینګلی شوی و او د اړ و دوړ له امله پکې نږدې ۱۰۰ پاکستاني پولیس ټپیان شوي وو.
د خیبر پښتونخوا د وزیر اعلی د نیولو حکم داسې مهال ورکول کېږي، چې تازه یې کابل ته د پاکستان د تللي پلاوي پر سفر نیوکه کړې او ویلي یې دي چې د پښتنوخوا حکومت یې پکې نه شامل کړی.
ګنډاپور له دې وړاندې د پاکستان له ایالتي حکومت غوښتنه کړې وه چې طالبانو سره د خبرو لپاره د یوه پلاوي د لېږد اجازه ورکړي، څو راپورته شوې ستونزو د خبرو له لارې حل کړي.
د عمران خان په مشرۍ د تحریک انصاف ګوند تراوسه د یادو مشرانو د نیولو د حکم صادرېدو په تړاو څه نه دي ویلي.
# #Pakistan #KPK #PTI
