ویب ډیسک
د کورنیو چارو وزارت وایي چې د پکتیکا ولایت د وازهخواه ولسوالۍ په زیارت کلي کې د هېواد د ملي امنیتي او دفاعي ځواکونو او د طالبانو تر منځ نښته کې درې طالبان وژل شوي او څلور نور ټپيان شوي دي؛ چې په وژل شویو کسانو کې بهرني جنګیالي هم شامل دي.
همداراز؛ د کندهار ولایت د پنجوايي ولسوالۍ په خیبرغر سیمه کې هم د ملي امنیتي او دفاعي ځواکونو د ګډو عملیاتو په پایله کې ۱۲ طالبان وژل شوي او شپږ نور ټپیان دي.
د دې عملیاتو په لړ کې تر دې مهاله د طالبانو ۱۵ کړۍ ځای پر ځای شوي ماینونه هم چې د ترورېستي پېښو په موخه یې ځای پر ځای کړي وو، کشف او شنډ کړي دي.
خو طالبانو په دې اړه څه نه دی ویلي.
