ويب ډيسک
د ایران په شمال ختیځ کې د دغه هېواد د پوځ قومندان جنرال سیروس امان اللهي ویلي، له افغانستان سره د پولې په اوږدو کې د دېوال جوړول به د ده په خبره دوامداره امنیت راولي.
د ایران دولتي اژانس ایرنا خبر ورکړی چې دغهه ایراني جنرال پرون د افغانستان له پولې سره نږدې د یاد دېوال د جوړولو چارې له نږدې کتلي او ویلي یې دي چې د ایران د پوځ څلور ډلې د دغه لوی دېوال په جوړولو لګیا دي.
مخکې ویل شوي وو چې ایران غواړي له افغانستان سره په شاوخوا ۲۹۵ کیلومتره پوله باندې څلورمتره لوړ دېوال جوړ کړي چې درېیو کلونو کې به یې کار بشپړېږي.
