ويب ډیسک
طلوع نیوز نن جمعه پر خپل ټویټر پاڼه لیکلي چې د نیول شوو کسانو له ډلې، د دغه تلویزیون مسؤل خپلواک ساپی او د حقوقي برخې مسؤل نافع خلیق خوشي شوي، خو د دغه تلویزیون نطاق بهرام امان لا د طالبانو په بند کې دی.
طلوع نیوز ویلي چې یاد کسان پرون پنجشنبه د طالبانو د امر بالمعروف نهی عن المنکر وزارت لخوا په کورنیو تلویزیونونو کې د بهرنیو سریالانو پر خپرېدو د بندیز ، د خبر تر خپرېدو وروسته نیول شوي دي.
په کابل کې د طالبانو حکومت تر دا مهاله په دې اړه څه نه دي ویلي.
