ويب ډيسک
د امریکا سترې محکمې د دغه هېواد ملي امنیت ته د امنیتي ننګوونو پر بنسټ د چین پر ټیکټاک اپلیکیشن بندیز ولګاوه.
د امریکا سترې محکمې تېره ورځ(جمعه، د مرغومي ۲۸مه) د دغه هېواد ملي امنیت ته د امنیتي ننګوونو پر بنسټ د خواله رسنیو له ډلې د چین پر ټیکټاک اپلیکیشن بندیز ولګاوه.
دغه قانون تېر کال په کانګرس یا د استازو په جرګه تصویب او ولسمشر جو بایډن لاسلیک کړ.
کانګرس ټینګارکاوه چې د ټیکټاک له خوا د کاروونکو د معلوماتو راټولول او د چین سره د دې شرکت اړیکې د ملي امنیت لپاره جدي ګواښ جوړوي.
په دغه قانون کې ویل شوي چې ټیکټاک د شخصي معلوماتو راټولولو او د احتمالي جاسوسۍ له امله په متحده ایالاتو کې ملي امنیت ته ګواښ پېښوي.
ټیکټاک په وروستیو کلونو کې د نړۍ په زیاتره هېوادونو کې د څارنې او بندیزونو سره مخ شوی دی، له دې ډلې څخه د هند او پاکستان په څېر هېوادونو کې لا له وړاندې پرې محدودیتونه لګول شوي وو او په اروپایي هېوادونو کې هم د دې د معلوماتي پالیسۍ په اړه اندېښنې راپورته شوي دي.
باید وویل شي چې د امریکا دا پرېکړه به په نړیواله کچه د نورو هېوادونو لپاره به پر ټیکټاک د ورته اقداماتو لپاره لار پرانیزي.
