ویب ډیسک
د پاکستان مرستیال صدراعظم او د بهرنیو چارو وزیر محمد اسحاق ډار د شانګهای همکارۍ سازمان د بهرنیو چارو وزیرانو شورا غونډې ته وویل، “ملي اجماع او په حکومتي جوړښتونو کې د قومي او سیاسي شمولیت ډاډمن کول” په افغانستان کې مهم لومړیتوبونه دي.
هغه په یوه بیان کې وویل: “په دې ټینګار وشو چې د ملي اجماع د پروسې پیاوړتیا او په حکومتي جوړښتونو کې د قومي او سیاسي شمولیت ډاډمن کول لاهم مهم لومړیتوبونه دي.”
د پاکستان د بهرنیو چارو وزیر وویل چې دواړو خواوو د “له ترهګرۍ څخه پاک افغانستان” د ملاتړ پر اهمیت ټینګار وکړ.
ښاغلي اسحاق ډار وویل: “موږ د افغانستان د بیارغونې د ملاتړ او د یو خپلواک، بې طرفه او سوله ایز هیواد په توګه د هغې د دوامداره پرمختګ د ډاډمن کولو، چې له ترهګرۍ او مخدره توکو قاچاق څخه پاک وي، د اهمیت په اړه ګډ درک لرو.”
هغه دا هم زیاته کړه چې دواړو خواوو د سیمه ییز امنیت د پیاوړتیا په لارو چارو بحث وکړ چې په ځانګړي ډول په افغانستان تمرکز وکړي.
