ويب ډيسک
په افغانستان کې د ایران د سوداګرۍ سلاکار حسین روستایي وایي، د دواړو هېوادونو د سوداګریزو اړیکو اندازه په ۲۰۲۴ کال کې۳ میلیارد او۱۹۷میلیون ډالرو ته رسېدلې چې د تېر کال په پرتله ۸۴ سلنه زیاتوالی ښيي.
هغه زیاته کړه، له ایران څخه افغانستان ته د وارداتو اندازه په ۲۰۲۴ کال کې ۳ میلیارده او ۱۴۳ میلیون ډالرو ته رسیدلې، چې په ۲۰۲۳ کال کې د ۱میلیارد او ۷۱۴ میلیون ډالرو په پرتله کابو درې اتیا سلنه زیاتوالی ښيي.
روستایي زیاته کړه، ایران ته د افغانستان صادرات په ۲۰۲۴ کال کې ۵۴ میلیون ډالرو ته ورسېدل چې د تېر کال په پرتله یې ۲۹ میلیون ډالره یعنې ۱۱۴ فیصده زیاتوالی درلوده.
که څه هم ایران طالبان په رسمیت ندي پېژندلې، خو له دغه ډلې سره تر چین وروسته تر ټولو زیاته سوداګریزه را کړه ورکړه ترسره کوي.
