ویب ډیسک
د پاکستان لومړی وزیر شهباز شریف وايي، په راتلونکې اګست میاشت کې به واک سرپرست حکومت ته وسپاري.
نوموړي پاکستاني ملت ته په یوه وینا کې وویل، د ده په مشرتابه اوسنی حکومت د هېواد په تاریخ کې لومړنی ائتلافي حکومت دی چې تر ټولو لنډه موده یې د هېواد واګې ترلاسه کړې او په وینا یې د پاکستان د تاریخ له تر ټولو لویو ګواښونو سره مخامخ و.
ښاغلي شریف خپل ملت ته وویل: ”څه باندې یو کال مخکې چې تاسې د لومړي وزیر په توګه ماته کوم مسوولت سپارلی و، د هېواد او ستاسې ټولو د خیر، ښېګړې او خدمت دا سپېڅلی امانت به موږ د ۲۰۲۳ کال په اګست کې سرپرست حکومت ته وسپارو. ”
د یادونې ده، چې د شهباز شریف په مشرۍ د پاکستان ائتلافي فدرالي حکومت ۱۵ میاشتې واکمني وکړه.
