ویب ډیسک
د طالبانو د حکومت ویاند ذبیح الله مجاهد نن د لړم په ۲۲مه آزادۍ راډیو ته وویل چې د پوځ بېلابېل صنفونه به ځانګړي یونیفورمونه ولري.
د مجاهد وینا ده چې (ښايي پنځه ارګانونه جوړ شي چې خاص ځواکونه، ځانګړي ځواکونه او عادي ځواکونه دي او همداراز د اردو، پولیس او استخباراتو ځواکونه چې جلا جلا یونیفورمونه به ولري.)
د زمري په ۲۴مه چې طالبان کابل ته ننوتل نو په ځینو سیمو کې ناامنۍ پېښې شوې خو طالبانو ویل چې په دې پېښو کې د دوی کسان لاس نه لري.
طالبانو وروسته خپلو ځینو وسله والو ته ځانګړې جامې چمتو کړې. ښاغلي مجاهد نن وویل، هغه یونیفورم چې اوس یې طالبان کاروي موقتي دي.
