ويب ډیسک
د ایران د بهرنیو چارو وزارت د طالبانو پر حکومت غږ کړی چې ایران ته د افغان کډوالو د تلو د پراخې څپې مخه ونیسي.
د دې وزارت ویاند سعید خطیب زاده پرون خبریالانو ته وویل چې د ایران ظرفیتونو ته په پام سره دې هیواد ته د افغان کډوالو دا بهیر دوام نه شي کولای. د تسنیم خبري آژانس د راپورله مخې خطیب زاده وویل د بېځایه شویو افغانانو د څپې بار باید یوازې پر یوه ګاونډي وانه چول شي او زیاته یې کړه چې د طالبانو سرپرست حکومت باید په دې برخه کې خپل مسولیت پرځای کړي.
د طالبانو حکومت د ایران د دې غوښتنې په اړه تراوسه څه نه دي ویلي.
