پښتو جرنل
د طالبانو د قطر د سیاسي دوتر ویاند ډاکټر نعیم وردګ په خپلې ټوئټر پاڼې لیکلي چې
نن د بهرنیو چارو سرپرست وزیر مولوي امیر خان متقي د ترکيې دبهرنیو چارو له وزیر مولود چاووش اوغلو سره تلیفوني خبرې وکړې.
په دغه اړیکه کې متقي د ترکیې د ولسمشر رجب طیب اردوغان او د هغه میرمنه چې په کورونا اخته شوي دي دصحت پوښتنه وکړه.
داسلامي امارت دمشرتابه د خواخوخوږۍ پیغام یې ورسره شریک کړ او د روغتیا دعا یې ورته وکړه.
وروسته متقي دترکیې هېوادله لوري دنېکۍ په اورګادي کې د ٧٥٠ ټنه خوراکي او ژمني توکو چې دفبروري میاشتې په ٧ نيټه دتورغونډۍ بندرته راورسېدل مننه وکړه.
ښاغلي اوغلو ډاډ ورکړ چي له ٥٠٠ تر ٧٠٠ ټنو پورې نوري مرستي به هم د روانې فبروري میاشتې په پای کي افغانستان ته ورسیږي، او د ترکیې سرې میاشتې او نورو خیریه موسسو له خوا د مرستو لړۍ به دوام ولري.
ښاغلي اوغلو همدارنګه په کابل کې د ویزو د ورکړې بهیر د پیلیدو څخه خبر ورکړ.
او وعده يې وکړه چې د مارچ په مياشت کې به په مزار شريف کې هم د ترکيې هيواد قونصلي خدمتونه پيل شي.
ښاغلي اوغلو د نوي افغان حکومت د مثبتو اقداماتو هر کلی وکړ. او د پوهنتونونو د پيليدو په اړه يې خوښي څرګنده کړه.