ويب ډیسک
د طالبانو د پاسپورټ ریاست نن شبنه اعلان وکړ چې د پاسپورټونو د ويش او د آنلاین نوم لیکنې بهیر له سره پیل شو.
د دغه ریاست په یوه اعلاميه کې راغلي دي چې د آنلاین نوم لیکنې له پاره محدودیت نشته، او تقاضا کونکو باندې به د روژې مياشتې په جریان کې د ورځې دوه زره او تر روژې وروسته درې زره پاسپورټه ويشل کيږي.
د پاسپورټ ادارې له خلکو غوښتي چې د پاسپورټ اخیستلو په مقصد د نوم لیکنې آنلاين فورمې له پاره یوازې ۲۰۰ افغانۍ تحويل کړي او تر دې اضافه ورنکړي.
د پاسپورټ ادارې ويلي دا چې د تیرو میاشتو څخه له ۲۰۰ زرو ډير درخواستونه په دغې اداره کې جمع شوي ول، هغو ته د ښې رسيدګۍ له پاره يې د پاسپورټونو د ویش لړۍ درولې وه.
