ويب ډیسک
د بهرنیو چارو وزارت نن سهشنبه د سلواغې ۱۸مه د ترکیې او سوریې له زلزله ځپلو سره ۱۵میلیونه افغانۍ مرسته اعلان کړه.
د بهرنیو چارو وزارت په یوې خبرپاڼه کې ویلي چې اسلامي امارت ترکیه کې زلزله ځپلو سره لس میلیونه او د سوریې له زلزله ځپلو سره پنځه میلیونه افغانۍ مرسته اعلان کړې ده.
دغه وزارت همداراز ویلي چې دوی چمتو دي، څو ترکیې او سوریې ته خپل روغتیايي ټیمونه ولېږدوي او زلزله ځپلو سره مرسته وکړي.
د بهرنیو چارو وزارت په ترکیه کې خپل ډيپلوماټیک ماموریت ته لارښوونه کړې چې له زلزله ځپلو سره مرسته وکړي او دغه هېواد کې له مېشتو افغانانو یې هم غوښتي چې زلزله ځپلو څخه خپلې مرستې ونه سپموي.
