طالبان: په راتلونکو څو ورځو کې به لنډمهالی حکومت اعلان کړي
د طالبانو وياند ذبیح الله مجاهد د سپتمبر په ۶مه نېټه وويل، چې د افغانستان لنډمهالی حکومت به په راتلونکو څو ورځو کې اعلان کړي.
نوموړي په همدې ورځ په يوه خبري ناسته کې وويل، چې طالبان به په راتلونکو څو ورځو کې نوی حکومت جوړ کړي او نوی حکومت به ممکن لنډمهالې بڼه ولري، اړوند جزيات به يې ډېر ژر له رسنيو سره شريک کړي.
نوموړي په افغانستان کې د لنډمهالي حکومت د جوړېدو نیت او اړتيا دا وښوده، چې په راتلونکي کې اصلاحات ترسره شي. نوی حکومت به ټولشموله وي او د پخواني حکومت امنيتي او پوځي کارکوونکو ته به هم په نویو امنيتي ادارو کې ځای ورکړي.
