ويب ډیسک
کابل ښاروالي وايي، د اړتیاوړ توکو بیو د کنټرول لپاره یې وړمه ورځ بېړنۍ غونډه کړې او ځايي چارواکو ته یې د بیو جدي کنټرول لارښوونه کړې.
د ښاروالۍ چارواکي وايي، د اتلس قلمه اړتیا وړ توکو لپاره بیې ټاکلې او له ښاریانو یې غوښتي چې که له دې نرخنامې سرغړونه وویني، دوی ته دې معلومات ورکړي، چې مخه یې ونیول شي.
په داسې حال کې چې دا وروستیو کې د ډالرو په مقابل کې چې د افغان سوداګرو په وینا ډېری توکي یې بدل کې صادروي، د افغانیو ارزښت پاموړ لوړ شوی، خو د افغانستان بازارونو کې لا هم د ډېری اړتیا وړ توکو په بیو کې کموالی نه دی تر سترګو شوی.
د باختر دولتي خبري اژانس په رپوټ کې د هلمند او لوګر ولایتونو په هکله هم ویل شوي چې د خوراکي توکو بیې پکې لوړې شوې دي.
د خواله رسنیو یو شمېر افغان کاروونکو هم د بیو لوړوالي شکایتونه کړي او له ځايي چارواکو یې د بیو کنټرول غوښتنه کړې.
