ويب ډیسک
د ايټالیا پولیسو ۳ تنه د هغو ۲۰۰ کډوالو د قاچاق په تور نیولي چې کښتۍ یې د ایټالیا یوه سمندر کې ډوبه شوې. د پولیسو په وینا د څلورم تورن پلټنه هم روانه ده.
یاده لرګینه کښتۍ کې سواره کډوال ډېری د افغانستان، پاکستان، ایران، سومالیا او سوریه اوسېدونکي ؤ.
د راپورونو له مخې دې پېښه کې نږدې ۶۵ تنه وژل شوي، خو د طالبانو د بهرنیو چارو وزارت وایي، یاده پېښه کې د ښځو او ماشومانو په ګډون ۸۰ تنه افغانانو خپل ژوند له لاسه ورکړی دی.
خو د ایټالیا حکومت ویلي چې په ۶۵ تنو وژلشویو کسانو کې ۲۵ افغانان دي.
د پاکستان د بهرنیو چارو وزارت هم یاده پېښه کې د ۴ تنو پاکستاني اتباعو وژل کېدل منلي دي.
