ویب ډیسک
د امریکا متحده ایالاتو د جرمونو نړیوالې محکمې پر څارنوالې (فاتو بین سودا) هغه بندیزونه لرې کړل، چې په افغانستان کې یې د امریکایي ځواکونو د جنګي جرایم په اړه د څیړنو مخه نیوله.
د امریکا بهرنیو چارو وزیر د دې پریکړې د اعلان پرمهال ویلي، په دې اړه تر څیړنو وروسته دې پایلې ته رسېدلي، چې دې برخه کې د امریکا د پخواني دولت تصمیم مناسب نه و.
د امریکا د پخواني ولسمشر ډونالډ ټرمپ په مشرۍ د متحده ایالاتو حکومت د جرمونو نړیوالې محکمې پرڅارنوالې له دې امله بندیزونه وضع کړي وو، چې په افغانستان کې یې د امریکایي ځواکونو د جنګي جرایمو په اړه څیړنه کوله.
