ويب ډیسک
باختر دولتي خبري آژانس د ځايي مسؤلینو له قوله ویلي چې دغه پېښه تېره شپه د دغه ولایت د جاني خېلو ولسوالۍ په بلخېلو سیمه کې رامنځته شوې ده.
طالب چارواکو ویلي چې په مړو شوو کسانو کې یوه ښځه او څلور ماشومان شامل دي. د دوی په وینا دغه پېښه د باران له امله رامنځته شوې ده.
دا په داسې حال کې ده چې په افغانستان کې د وروستیو بارانونو له امله د ۱۹۴ کسانو د مړینې او سلګونو نورو د ټپي کېدو راپور ورکړل شوی دی.
