محب الله
د بلوچستان هرنائي خوست پېښې پر ضد په هرنايي ښار کې د ټولو ګوندونو له لوري بشپړه کاربندیز او احتجاجي پرلت دوام لري ، ټول سوداګريز مرکزونه يې تړلي، په پرلت کې ناست کسانو غوښتنه ده چې د خالق داد د وژنې مقدمه ده دی درج کړل شی.
د بلوچستان هرنايي خوست پېښې پر ضد د پرلت نن څلورمه ورځ هم دوام لري ، په پرلت کې د ښځو په شمول ګڼ شمېر ماشومانو هم ګډون لري، په پرلت کې شامل ښځو او ماشومانو د ايف سی په ضد شعارونه هم ورکوي ، او وايي چې موږ پر خپله خاوره خپل اختيار غواړو ، بل لور ته د ټولو ګوندونو له لوري په هرنايي ښار کې کاربندیز او د کوټې هرنائي لويه لار باندي د پرلت له امله د هرنايي تر کوټې او د هرنايي تر پنجاب لويه لار د هر قسم ټرافيک لپاره پر مخ بنده ده ، چي لکبله د قامی لويې لارې دواړو غاړو ته د موټرو اوږده کتارونه ولاړ دي او بل لوري ته خوست کې پرلت نن څلورمه ورځ هم دوام لري.
په پرلت کې شامل کسان وايي چې پر 14مه اګست د پاکستان د خپلواکۍ په ورځ د ايف سی لخوا زموږ پرامن لاريون باندې ډزې وکړل شوی چې په نتيجه يې کې د عوامي نشنل ګوند د ځوان غړي خالق داد ووژي او د ماشومانو پشمول درې تنه ژوبل شول، خو بل لور ته بیا حکومت وايي چې په څوارلس اګسټ باندې د ايف سي پر پوسته برید شوی وو چې پکښې ايف سی ځوانان وژل شوي وو ، بلې خوا ته بیا په ډزو کې وژل شوي خالق داد جنازې لمونځ څلور ورځې وروسته ادا کړل سو او خاورو ته وسپارل شو په نمازه جنازه کې ، د ANP پارلماني مشر اصغر د خان اڅکزي، صوبايي وزیر زمرک اڅکزي او د نورو سیاسي ګوندونو مشرانو ګډون وکړي ، ده پرلت کې نست خلک وايي چې
چې زموږ غوښتنو ده چې زموږ له سیمو نه د فورسز ځواکونو وايستل شي او سول انتظاميه او ليویز ته واک و اختيار ورکول شي او شهید خالق داد د وژنې مقدمه دی درج کړل سی او ملزیمان دی ونيول شي او سخته سزا ورکول شي.
