بهسود کي ایرانۍ جاسوساني نیول سوي

ویب ډیسک
افغان امنیتي سرتېري وایي، د میدان ورګ په بهسود ولسوالۍ کي ئې د تلاشۍ پر مهال د سپاه پاسداران ښځینه کارکوونکي نیولي دي.
په بهسود کي د څو ورځو راهیسي د علیپور د نیولو او د هغه د وسله والي ډلي فاطمون په وړاندي عملیاتونه پیل سوي دي.
دا عملیات وروسته تر هغه پیل سوه چي، د علیپور کسانو د افغان سرتېرو یوه الوتکه وویشتله، څلور پیلوټان او پنځه کمانډویان ئې ووژله.
د علیپور تر شا ارګ کي سرور دانش او محقق د ایران په ملاتړ ولاړ دي.
موده مخکي محقق ایران کي د یوې غونډي پر مهال ویلي و چي، دوی د ایران په ننګه هزاره ګان سوریې ته د جګړې له پاره استولي دي.
تر دې موضوع وروسته ارګ په امنیتي غونډو کي د محقق پر ګډون بندیز ولګاوه، ځو څو ورځي مخکي ارګ یو ځل بیا هغه ته په امنیتي غونډو کي ځانګړی ځای او مسؤلیت ورکړی دی.