د مارچ میاشتې په ۲۷ نېټه په ترکیه کې د افغان سولې په اړه ناسته جوړیږي.

ویب ډیسک
د روانې مارچ میاشتې په ۲۷ نېټه په ترکیه کې د افغان سولې په اړه ناسته جوړیږي.
طالبانو ته نږدې سرچینو کابل نیوز ته تایید کړه،چې دغه ناسته د ملګرو ملتونو په کوربتوب په ترکیه کې جوړیږي،چې اصلي ګډونوال به یې طالبان،افغان سیاسي جهتونه او د حکومت مشران وي.
د سرچینې د معلوماتو پراساس، طالبانو له دې ناستې سره توافق کړی،خو ځینې شرطونه یې وړاندې کړي،چې امریکا یې اوس په پوره کولو کار کوي.
په دې ناسته کې به د چین،ایران، روسیې، پاکستان اوهند استازي هم برخه واخلي.