ويب ډیسک
امریکا د بشردوستانه ویزو لپاره شرایط سخت کړي
ښايي د امریکا د بشردوستانه وېزو لپاره د زرګونه افغانانو غوښتنلیکونه رد شي.
ځینو امریکایي استازو ویلي چې د امریکا د بهرنیو چارو وزارت د بشردوستانه وېزو برخې د غوښتنلیکونو د منلو لپاره شرایط سخت کړي دي چې له همدې امله ښایي د زرګونه افغانانو غوښتنلیکونه ونه منل شي.
سرچینه وایي، چې د شرایطو له سختېدو سره زرګونه داسې غوښتنلیکونه شته دي چې په دې شرایطو نه شي برابرېدلی نو ځکه ښايي د امریکا د بهرنیو چارو وزارت د بشردوستانه وېزې لپاره ډېر غوښتنلیکونه و نه مني.
سرچینې کاږي چې دمګړی شاوخوا ۳۱ زره افغانانو د بشردوستانه وېزو لپاره په امریکا کې غوښتنلیکونه سپارلي دي، خو تر څو اونیو مخکې یوازې سل کسه افغانان دې وېزو ته په شرایطو برابر ګڼل شوي دي.
د امریکا د بهرنیو چارو وزارت وایي چې په دې اړه د لا ډېرو غوښتنلیکونو ارزونه روانه ده.
