ويب ډیسک
ملګري ملتونه وايي، په افغانستان کې د تاوتریخوالي له کمېدو سره سره، د ماین چاودنې له امله د ماشومانو د وژل کېدو او ټپي کېدو راپورونه د اندېښنې وړ دي.
د یکشنبې په ورځ د نومبر په ۸مه، په ارزګان ولایت کې د ماین چاودنې له امله درې ماشومان وژل شوي او درې نور ټپیان دي.
په ورته وخت کې د ملګرو ملتونو د مین روبي موسسه (یونماس) له خپلو سیمه ییزو او نړیوالو همکارانو سره خپلو فعالیتونو ته دوام ورکوي ترڅو په افغانستان کې د ماینونو، جنګي چاودېدونکو توکو او لاسي چاودېدونکو توکو له امله رامنځته شوي ګواښونه له منځه یوسي.
د ملګرو ملتونو د چارواکو له قوله د افغانستان پاکول لږ تر لږه ۱۰ کاله وخت ته اړتیا لري.
